वीरगंज , १६ बैशाख –
संयुक्त अरब इमिरेट्स ले तेल उत्पादक देशहरूको सङ्गठन ओपेक बाट बाहिरिने घोषणा गरेको छ। लामो समयदेखि चर्चामा रहेको यो निर्णय मे १ तारिखदेखि कार्यान्वयनमा आउने जनाइएको छ।
यो कदमले क्षेत्रीय शक्ति सन्तुलन र विश्व तेल बजारमा प्रभाव पार्न सक्ने आँकलन गरिएको छ। युएईले आफ्नो दीर्घकालीन आर्थिक रणनीति र राष्ट्रिय प्राथमिकताअनुसार निर्णय लिएको जनाएको छ। साथै, ओपेकबाट बाहिरिए पनि जिम्मेवार ऊर्जा उत्पादकको भूमिकामा रहने प्रतिबद्धता व्यक्त गरेको छ।
युएई सन् १९६७ मा अबुधाबीमार्फत ओपेकमा आबद्ध भएको थियो र सन् १९७१ मा स्वतन्त्र राष्ट्र बनेपछि पनि सदस्यता कायम राख्दै आएको थियो।
विशेषगरी साउदी अरब सँगको सम्बन्ध पछिल्ला वर्षहरूमा चिसिँदै गएको सन्दर्भमा यो निर्णयलाई अर्थपूर्ण रूपमा हेरिएको छ।
